रामानंद नगरात भरदिवसा घरफोडी; २ लाख २२ हजारांचा ऐवज लंपास
जळगाव | प्रतिनिधी : शहरातील रामानंद नगर पोलीस ठाण्याच्या हद्दीत अज्ञात चोरट्याने घराचे कुलूप तोडून सुमारे २ लाख २२ हजार १५० रुपये किमतीचा ऐवज लंपास केल्याची घटना उघडकीस आली आहे. या प्रकरणी रामानंद नगर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी प्रकाश गजानन साखरे (वय ६४), व्यवसाय भिक्षुकी, रा. ३३ त्र्यंबक नगर, जळगाव यांच्या घरात अज्ञात आरोपीने प्रवेश केला. घरातील मौल्यवान वस्तू चोरून नेण्यात आल्या. . चोरीस गेलेल्या मुद्देमालात सोने व चांदीचे दागिने तसेच भारतीय चलनी नोटा यांचा समावेश असून, एकूण किंमत सुमारे २ लाख २२ हजार १५० रुपये आहे.
या प्रकरणी रामानंद नगर पोलीस ठाण्यात गुन्हा दाखल करण्यात आला असून, भारतीय न्याय संहितेच्या कलम ३०५(अ), ३३१(३) आणि ३३१(४) अन्वये गुन्हा नोंदविण्यात आला आहे.घटनेचा तपास पोहेकॉ जितेंद्र राठोड करीत आहेत.
