जळगाव (प्रतिनिधी):- चंदू अण्णा नगर येथील आकाश दूध केंद्रासमोरील परिसरातून एक काळ्या रंगाची स्प्लेंडर प्लस मोटरसायकल अज्ञात चोरट्याने लांबवल्याची घटना उघडकीस आली आहे. याप्रकरणी जळगाव तालुका पोलीस ठाण्यात चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी दिनेश सुकलाल पाटील (वय ४७, व्यवसाय – जनरल स्टोअर्स दुकान, रा. गट नं. ९९/१/२/A, हिराशिवा कॉलनी, निमखेडी शिवार, जळगाव, मो. ९१५८६८५१२२) यांनी आपली ३५,००० रुपये किमतीची काळ्या रंगाची स्प्लेंडर प्लस मोटरसायकल (क्रमांक: MH-19 DY-0954, चेसिस क्र. MH19JAL202431) ही दि. ३ ऑगस्ट २०२६ रोजी सायंकाळी ५:०० वाजेच्या सुमारास चंदू अण्णा नगर, आकाश दूध केंद्रासमोर उभी केली होती.
दरम्यान, कोण्या अज्ञात चोरट्याने फिर्यादीच्या संमतीशिवाय ती दुचाकी लबाडीच्या इराद्याने चोरून नेली. या प्रकरणी फिर्यादी दिनेश पाटील यांच्या तक्रारीवरून दि. ५ ऑगस्ट २०२६ रोजी रात्री २०:४२ वाजता जळगाव तालुका पोलीस ठाण्यात गुन्हा रजिस्टर नंबर २२०/२०२६ नुसार भारतीय न्याय संहिता २०२३ च्या कलम ३०३(२) अन्वये गुन्हा नोंदवण्यात आला आहे.
घटनेची माहिती मिळताच पोलीस निरीक्षक शशिकांत पाटील (मो. ८७६६४१२५२९) यांनी घटनास्थळाला भेट देऊन पाहणी केली. या प्रकरणात ‘ई-साक्ष’ (E-Saakshi) प्रणालीचा वापर करण्यात आला आहे.
या गुन्ह्याचा पुढील तपास पोलीस हवालदार अविनाश देवरे (बकल नं. ३२४२, मो. ९८६७९७१७४७) करत असून, अद्याप आरोपीचा शोध सुरू असून कोणालाही अटक झालेली नाही.
