छातीत दुखू लागल्याने ३९ वर्षीय युवकाचा उपचारादरम्यान मृत्यू
जळगाव शहरातील घटना; अकस्मात मृत्यूची नोंद
जळगाव | प्रतिनिधी
जळगाव शहरातील शिवाजीनगर परिसरातील ३९ वर्षीय युवकाचा छातीत अचानक तीव्र दुखू लागल्याने उपचारादरम्यान मृत्यू झाला. याप्रकरणी जळगाव शहर पोलीस ठाण्यात अकस्मात मृत्यूची नोंद करण्यात आली आहे.
पोलिसांनी दिलेल्या माहितीनुसार, स्वप्नील प्रकाश गुरव (वय ३९, रा. शिवाजीनगर, जळगाव) यांना ३१ जुलै रोजी पहाटे सुमारे २ वाजेच्या सुमारास घरी असताना अचानक छातीत तीव्र दुखू लागल्याने अस्वस्थ वाटू लागले. त्यानंतर त्यांचे नातेवाईक अभिषेक प्रमोद गुरव यांनी त्यांना तातडीने जळगाव येथील शासकीय वैद्यकीय महाविद्यालय व रुग्णालयात दाखल केले.
रुग्णालयातील आयसीयू वॉर्ड क्रमांक १४ मध्ये त्यांच्यावर उपचार सुरू असताना ३१ जुलै रोजी पहाटे सुमारे ४.३० वाजता त्यांचा मृत्यू झाला.
या प्रकरणी जळगाव शहर पोलीस ठाण्यात अकस्मात मृत्यू रजिस्टर क्रमांक ३४/२०२६ अन्वये भारतीय नागरिक सुरक्षा संहिता (BNSS) कलम १९४ अंतर्गत नोंद करण्यात आली आहे.
या घटनेचा पुढील तपास आरपीएसओ जितेंद्र तावडे करीत आहेत.
