अमळनेर (प्रतिनिधी):- अमळनेर तालुक्यातील कचरे गावात ३२ वर्षीय युवकाने गळफास घेऊन आत्महत्या केल्याची धक्कादायक घटना घडली आहे.
मनोहर छोटूलाल पाटील (वय ३२, रा. कचरे, ता. अमळनेर) असे मृत युवकाचे नाव आहे. त्यांनी घराच्या छताला दोरी बांधून गळफास घेतल्याचे नातेवाईकांच्या निदर्शनास आले. त्यानंतर ग्रामस्थांच्या मदतीने त्यांना खाली उतरवून ग्रामीण रुग्णालयात दाखल करण्यात आले.
मात्र डॉक्टरांनी तपासणीअंती त्यांना मृत घोषित केले. याप्रकरणी अमळनेर पोलिस ठाण्यात अकस्मात मृत्यूची नोंद करण्यात आली असून पुढील तपास सुरू आहे.
