वादळ-पावसाच्या संकटावर मात करत ‘पर्व-२’ चा दिमाखदार समारोप; दापोरा संघ उपविजेता
जळगाव (प्रतिनिधी):- येथील शिवतीर्थ मैदानावर (जी.एस. मैदान) १ ते ५ एप्रिल दरम्यान अत्यंत चुरशीने खेळल्या गेलेल्या ‘जळगाव ग्रामीण प्रीमियर लीग पर्व २’ चा महाअंतिम सामना रविवारी मोठ्या थाटात पार पडला. या स्पर्धेत ‘किरण दादा पाटील युवामंच, सतखेडा’ संघाने विजेतेपद पटकावून प्रथम क्रमांकाचे पारितोषिक आपल्या नावे केले. तर ‘नानाभाऊ सोनवणे युवामंच, दापोरा’ संघ द्वितीय (उपविजेता) आणि ‘नानाश्री फाउंडेशन, नंदगाव’ संघ तृतीय क्रमांकाचा मानकरी ठरला.
दिग्गजांच्या उपस्थितीत पारितोषिक वितरण
स्पर्धेचा पारितोषिक वितरण सोहळा मान्यवरांच्या उपस्थितीत पार पडला. यावेळी माजी जि.प. सदस्य प्रताप गुलाबराव पाटील, धनराज कासट, जळगावचे नगरसेवक सागर शामकांत सोनवणे, कृषी उत्पन्न बाजार समितीचे संचालक डॉ. अरुण पाटील (वडली), नानाभाऊ सोनवणे (दापोरा), जितेंद्र सोनवणे (PWD अभियंता), हर्षल कॉटनचे संचालक हर्षल नारखेडे, सतखेडाचे सरपंच किरण दादा पाटील, हितेश नारखेडे, माजी जि.प. सदस्य रवीभाऊ देशमुख, चंद्रकांत दादा पाटील, देवेंद्र पाटील (माजी सरपंच, धानोरा), मनोज पाटील (सरपंच, पथराड), गुणवंत सोनवणे (नंदगाव) आदी उपस्थित होते.
*४०० खेळाडूंचा सहभाग
जळगाव ग्रामीण* मतदारसंघातील १७० गावे, धरणगाव नगर परिषद आणि नशिराबाद नगर पंचायत क्षेत्रातील एकूण ४०० खेळाडू या स्पर्धेत सहभागी झाले होते. एकूण २२ संघांनी या लीगमध्ये आपले नशीब आजमावले. राज्याचे पाणीपुरवठा व स्वच्छता मंत्री ना. गुलाबरावजी पाटील हे या स्पर्धेचे ब्रँड ॲम्बेसेडर होते, तर मुख्य प्रायोजकत्व शिवसेना तालुका प्रमुख शिवराज पाटील आणि सह-प्रायोजकत्व सागर सोनवणे यांनी भूषवले.
वादळ-पावसाचे आव्हान परतवून लावले
पाच दिवसांच्या या स्पर्धेदरम्यान वारा, वादळ आणि पावसाने मोठा व्यत्यय आणला होता. मात्र, आयोजक, संघमालक आणि सहकाऱ्यांच्या जिद्दीमुळे या कठीण परिस्थितीतही स्पर्धा निर्धारित वेळेत आणि यशस्वीरित्या पार पडली. या स्पर्धेच्या यशस्वीतेसाठी चंद्रशेखर अत्तरदे, नितीन सपकाळे (सरपंच, तुरखेडा), पवन सोनवणे (मोहाडी), राकेश चव्हाण (कानळदा), लीलाधर आबा सोनवणे, नंदन महाजन, राजकिरण चौधरी, योगेश सपकाळे, निलेश सपकाळे, जनाआप्पा पाटील, अनिल भोळे आणि आर.टी. स्पोर्ट्ससह सर्व प्रायोजकांनी विशेष परिश्रम घेतले. ग्रामीण भागातील खेळाडूंना हक्काचे व्यासपीठ मिळाल्याने क्रीडाप्रेमींमध्ये उत्साहाचे वातावरण होते.
