मोबाईलवर बोलतांना पडून मणक्याला गंभीर दुखापत चालणे झाले होते बंद

रुग्णालयात दाखल झाल्यानंतर मेंदू व मणका विकार तज्ज्ञ डॉ. विपूल राठोड यांनी तिची सखोल तपासणी केली. प्राथमिक तपासणीनंतर तिला तातडीने एमआरआयसह विविध अत्याधुनिक तपासण्या करण्यात आल्या. एमआरआय अहवालातून तिच्या मणक्याच्या कंबरेजवळील भागात गंभीर फ्रॅक्चर झाल्याचे निदान झाले. मणक्याच्या एल-२ आणि एल-३ (ङ२-ङ३) या मणक्यांमध्ये गंभीर दुखापत झाल्याने मज्जातंतूंवर दबाव निर्माण झाला होता. यामुळेच तिच्या पायातील ताकद कमी झाली होती.रुग्णाची स्थिती लक्षात घेता त्वरित शस्त्रक्रिया करणे आवश्यक असल्याचा निर्णय डॉ. विपुल राठोड यांनी घेतला. त्यानुसार तरुणीवर एल२-एल३ लॅमिनोक्टोमी अ‍ॅन्ड एल२ टू एल४ पेडीकल स्क्रु फिक्सेशन या अत्यंत नाजूक आणि कौशल्यपूर्ण शस्त्रक्रियेचे नियोजन करण्यात आले. या शस्त्रक्रियेद्वारे मणक्यावरील दबाव कमी करून तुटलेल्या मणक्याला स्क्रु आणि रॉडच्या सहाय्याने स्थिर करण्यात आले. ही शस्त्रक्रिया डॉ. विपुल राठोड, डॉ. अतुल जाधव, डॉ. प्रितम दास, डॉ. श्रृती खंडागळे, भूलशास्त्र तज्ज्ञ डॉ. शितल फेगडे या टीमने अत्यंत यशस्वीरीत्या पूर्ण केली. शस्त्रक्रियेनंतर तरुणीवर अतिदक्षता विभागात विशेष लक्ष ठेवण्यात आले. डॉक्टरांनी सांगितलेल्या उपचारांमुळे आणि योग्य फिजिओथेरपीमुळे अवघ्या आठवडाभरात तिच्या पायातील ताकद हळूहळू परत येऊ लागली. काही दिवसांतच ती स्वतःच्या पायावर उभी राहू लागली आणि चालण्यासही सक्षम झाली. या यशस्वी उपचारामुळे रुग्ण आणि तिच्या कुटुंबीयांनी डॉक्टरांचे आभार मानले.या संपूर्ण उपचाराचा खर्च महात्मा ज्योतिबा फुले जनआरोग्य योजना अंतर्गत करण्यात आल्याने रुग्णाला उपचार पूर्णपणे मोफत मिळाले. आर्थिकदृष्ट्या सामान्य कुटुंबासाठी ही योजना मोठा दिलासा ठरली.

मणक्याच्या दुखापतीत वेळेवर योग्य निदान आणि तातडीची शस्त्रक्रिया अत्यंत महत्त्वाची असते. या रुग्णाच्या बाबतीतही वेळेत उपचार मिळाल्यामुळे मज्जातंतूंवरील दबाव कमी करण्यात यश आले आणि तिच्या पायाची ताकद पुन्हा पूर्ववत होऊ शकली. योग्य वेळी उपचार न मिळाल्यास अशा दुखापतीत कायमस्वरूपी अपंगत्व येण्याचा धोका असतो.