डेमला कॉलनी येथे भाविकांची मोठी उपस्थिती
जळगाव (प्रतिनिधी) – शहरातील प्रभाग क्रमांक ७ येथील डेंमला कॉलनी येथे श्री साईबाबा मंदिराचा १३ वा वर्धापनदिन सोहळा मोठ्या भक्तिमय वातावरणात उत्साहात संपन्न झाला. गुरुवारी ११ डिसेंबर रोजी सकाळी आरती व महाप्रसादाला परिसरातील भाविकांनी मोठ्या संख्येने उपस्थिती लावली.
सुरुवातीला साईबाबांचे नामस्मरण आणि भजन भाविकांनी मोठ्या उत्साहाने म्हटले. साई नामस्मरण, आरती व प्रसादरूपी सेवा यामुळे परिसर भक्तिमय वातावरणाने भरून गेला. वर्धापन दनामध्ये अभिषेक हा चेतन दिलीप तिवारी व दीपाली चेतन तिवारी आणि परिवार डेंमला कॉलनी, यांच्या हस्ते संपन्न झाला. या सोहळ्यास शहराचे आ. सुरेश दामु भोळे (राजूमामा) यांनी विशेष सहकार्य केले.
तसेच कार्यक्रमाच्या यशस्वी आयोजनात माजी महापौर सीमाताई सुरेश भोळे, माजी नगरसेवक दीपमाला काळे, मनोज काळे, भास्कर विठ्ठल पाटील, सामाजिक कार्यकर्ते पंकज सुरेश पाटील, चेतन तिवारी यांचे सहकार्य लाभले.
आयोजक श्री साईबाबा मंदिर समितीतर्फे सर्व मान्यवर व भाविकांचे मनःपूर्वक आभार मानण्यात आले. भक्तांच्या उपस्थिती व सहकार्यामुळे हा वर्धापनदिन सोहळा अत्यंत भक्तीभावाने पार पडला. यावेळी माजी मंडळ अध्यक्ष केदार देशपांडे , सरचिटणीस चेतन तिवारी, महिला मंडळचे डॉ. जुही विशाल भोळे, ललिता मनिष बाहेती, दीपाली चेतन तिवारी, आरती चेतन बांगर, अंकिता पंकज पाटील, दीप्तीताई चिरमाडे, अंजली देशपांडे आदी महिलावर्ग आणि प्रभागातील सर्व नागरिक व भाविक उपस्थित होते.
