निवडणूक प्रक्रियेत आ. मंगेश चव्हाण यांनी घेतली जिल्ह्यात आघाडी..!
चाळीसगाव (प्रतिनिधी) : आ. मंगेश चव्हाण यांच्या प्रमुख उपस्थितीत आज भारतीय जनता पक्षातर्फे चाळीसगाव नगरपालिका निवडणुकीसाठी इच्छुक उमेदवारांच्या मुलाखती घेण्यात आल्या. संपूर्ण जिल्ह्यात निवडणूक प्रक्रियेत आचारसंहिता लागायची वाट पाहिली जात असताना आ. मंगेश चव्हाण यांनी यात आघाडी घेतली असून चाळीसगावमध्ये झालेल्या या मुलाखतींना उमेदवारांकडून अभूतपूर्व प्रतिसाद मिळाला.
उमेदवारांनी मोठ्या संख्येने उपस्थित राहून पक्षाशी असलेली निष्ठा आणि आमदार मंगेश चव्हाण यांच्या नेतृत्वावरील विश्वास व्यक्त केला. नगरपालिका निवडणूक ही सर्वसामान्य जनतेचा आशिर्वाद आणि पक्षनिष्ठ लोकांच्या साथीने लढविण्याचा निर्धार आमदार मंगेश चव्हाण यांनी यावेळी व्यक्त केला.
“केलेल्या विकासकामांच्या बळावर आणि जनतेच्या आशीर्वादानेच आपल्याला नगरपालिकेत बहुमत मिळवायचे आहे आणि आपल्या चाळीसगाव शहराला उत्तर महाराष्ट्रातील क्रमांक १ चे शहर बनवायचे आहे. विकास हाच आपला अजेंडा राहील” असे त्यांनी सांगितले.
