जळगाव तालुक्यातील वसंतवाडी येथील घटना
जळगाव ( प्रतिनिधी ) – जळगाव तालुक्यातील वसंतवाडी येथे राहत्या घरी विषारी औषध प्राशन केलेल्या तरुणीचा उपचार सुरु असतांना शासकीय रुग्णालयात मृत्यू झाला. ही घटना बुधवारी घडली असून याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
अंजना शिवराम मोरे (वय २३, रा. वसंतवाडी, ता. जळगाव) असे मयत मुलीचे नाव आहे. वसंतवाडी येथे अंजना मोरे या वास्तव्यास होत्या. दि. २४ रोजी त्यांनी काहीतरी विषारी औषध प्राशन केल्यामुळे त्यांना विषबाधा झाली. हा प्रकार त्यांच्या कुटुंबियांच्या लक्षात येताच, त्यांचे पती शिवराम मोरे यांनी त्यांना लागलीच उपचारार्थ शासकीय वैद्यकीय महाविद्यालय व रुग्णालयात दाखल केले. याठिकाणी त्यांच्यावर उपचार सुरु असतांना दि. ३ रोजी त्यांचा उपचार सुरु असतांना मृत्यू झाला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली असून तपास सपोनि गणेश वाघ हे करीत आहे.
