पारोळा तालुक्यातील मोंढाळे येथील घटना
पारोळा ( प्रतिनिधी ) – तालुक्यातील मोंढाळे प्र. अ. येथील ३० वर्षीय तरुण शेतकऱ्याने त्याच्या राहत्या घरी गळफास घेऊन आत्महत्या केल्याची घटना दि. २८ रोजी सकाळी ७ वाजेच्या सुमारास घडली. याबाबत पारोळा पोलीस ठाण्यात खबर दिल्यावरून अकस्मात मृत्यूची नोंद करण्यात आली आहे.
यशवंत रामराव देवरे (वय ३५ रा.मोंढाळे प्र. अ. ता. पारोळा) असे मयत तरुणाचे नाव आहे. परिवारासह ते गावात राहत होते. शेतीकाम करून ते परिवाराचा उदरनिर्वाह करीत होते. गुरुवारी दि. २८ रोजी सकाळी गळफास घेऊन यशवंत देवरे यांनी आत्महत्या केली. त्यांचेवर विविध प्रकारचे कर्ज असल्याने ते नैराश्यात असल्यामुळे त्यांनी गळफास घेऊन आत्महत्या केल्याचे नातेवाईकांनी सांगितले. याबाबत पुढील तपास पारोळा पोलीस करीत आहेत.
