रावेर तालुक्यातील घटना, संशयिताची पोलीस कोठडीत रवानगी
रावेर ( प्रतिनिधी ) – तालुक्यातील एका तरुणाने, नात्यातील विवाहितेला, फोटो तुझ्या पतीस व गावातील लोकांना दाखवून तुझी बदनामी करील अशी धमकी देवून जबरीने विवाहितेशी शारीरिक संबध प्रस्थापित करून तिचा लैंगिक छळ केल्याप्रकरणी या तरुणाविरुद्ध गुन्हा दखल करण्यात आला आहे. संशयित तरुणाला अटक करण्यात आली आहे. त्याला न्यायालयाने ३ दिवस पोलीस कोठडी सुनावली आहे.
रावेर तालुक्यातील एका गावात ३५ वर्षीय विवाहितेला त्याच गावातील नात्यातील एका तरुणाने तुझे फोटो तुझ्या नवऱ्याला व गावातील लोकांना दाखवून तुझी बदनामी करेल,तसेच तुला मारून टाकीन अशी धमकी देवून तिचा पाठलाग केला. विवाहितेच्या घराजवळील शेतात सदर पिडीतेस वेळोवेळी बोलावून विवाहितेची इच्छा नसताना बळजबरीने तिच्याशी शारीरिक संबध ठेवून लैंगिक अत्याचार केला. याप्रकरणी पिडीत विवाहितेच्या फिर्यादीवरून सदर तरुणाविरुद्ध लैंगिक अत्याचाराचा गुन्हा दखल करण्यात आला आहे. आरोपी तरुणाला पोलिसांनी अटक केली आहे. पोलीस निरीक्षक डॉ विशाल जयस्वाल यांच्या मार्गदर्शनाखाली उप निरीक्षक तुषार पाटील पुढील तपास करीत आहेत. न्यायालयाने ३ दिवस पोलीस कोठडी सुनावली आहे.
