रावेर तालुक्यात सावदा येथे आदर्श आयोजन
रावेर (प्रतिनिधी) : तालुक्यातील सावदा येथे आदिवासी सेवा मंडळातर्फे तडवी भिल समाजाच्या सामूहिक विवाह सोहळ्यात रविवारी दि. ११ मे रोजी १० जोडप्यांचा सामूहिक विवाह सोहळा पार पडला. यावेळी व्यासपीठावर प्रमुख पाहुणे म्हणून सावद्याचे माजी नगराध्यक्ष राजेश वानखेडे, सावदा पोलीस स्टेशनचे सपोनि विशाल पाटील, सेवानिवृत्त शिक्षणाधिकारी राजू अमीर तडवी, मासूम रहीम, पो.नि अमोल गर्जे आदी उपस्थित होते.
मागील २७ वर्षापासून सलगपणे हा उपक्रम सुरू आहे. माध्यमिक शिक्षक गनी बिस्मिल्ला तडवी यांचेतर्फे जोडप्यांना संसारोपयोगी भांड्यांचा सेट देण्यात आला. नाशिक येथील उद्योजक आझाद हैदर तडवी यांच्याकडून कुकर सेट, धानोरा सरपंच रज्जाक तडवी यांच्याकडून घड्याळ भेट देण्यात आले. समाजासह विविध समाजातील व्यक्ती या सोहळ्यासाठी मदत देत असतात. विवाह सोहळा आयोजक मंडळाचे संस्थापक अध्यक्ष राजू बिहम तडवी, प्रदेशाध्यक्ष कामील नामदार तडवी, कर्मचारी महासंघ प्रदेशाध्यक्ष इरफान तडवी, जिल्हाध्यक्ष मुबारक अलीखाँ तडवी, अनिल नजीर तडवी आदींनी महावितरणचे रोशन हसन तडवी तसेच महसूल प्रशासनाचे हनिफ तडवी यांच्या सेवानिवृत्तीनिमित्त सत्कार केला. सद्दाम तडवी, कामिन तडवी, कर्मचारी महासंघाचे इरफान तडवी, युवक जिल्हाध्यक्ष बिराज तडवी, रईस तडवी, अशरफ तडवी, ठाकूर, सत्तार तडवी, मुनाफ तडवी, मायकल तडवी, समशेर मिस्त्री, डॉ. लुकमान तडवी, गनी तडवी, युनूस तडवी, अश्रफ तडवी, आप्पा सिराज तडवी, मुसा तडवी आदींनी परिश्रम घेतले.
