धरणगाव तालुक्यातील पाळधी येथील घटना
जळगाव (प्रतिनिधी) : धरणगाव तालुक्यातील पाळधी येथे एका हातमजुरी करणाऱ्या तरुणाने राहत्या घरी गळफास घेऊन आत्महत्या केल्याची धक्कादायक घटना शनिवारी रात्री साडेनऊ वाजेच्या सुमारास उघडकीस आली आहे. याप्रकरणी पाळधी दूरक्षेत्र पोलीस स्टेशनला अकस्मात मृत्यूची नोंद करण्याचे काम सुरु होते.
विशाल राजू सपकाळे (वय २७, रा. पाळधी ता. धरणगाव) असे मयत तरुणाचे नाव आहे. तो गावात आई, वडील, भाऊ, २ बहिणी यांचेसह राहत होता. हातमजुरी करून तो परिवाराचा उदरनिर्वाह करीत होता.(केसीएन)दरम्यान, दिवसभर गावातील मित्र व ग्रामस्थांशी तो भेटला होता. शनिवारी रात्री त्याने ९. ३० वाजेच्या सुमारास छताला गळफास लावून घेत आत्महत्या केली. कुटुंबियांना कळताच त्यांनी ग्रामस्थांच्या मदतीने जळगाव येथील शासकीय वैद्यकीय महाविद्यालय व रुग्णालयात नेण्यात आले.
तेथे वैद्यकीय अधिकाऱ्यांनी विशाल याला तपासून मयत घोषित केले. यावेळी कुटुंबीयांनी एकच आक्रोश केला. तरुण मुलाच्या जाण्यामुळे पाळधी गावावर शोककळा पसरली आहे. घटनेची पाळधी दूरक्षेत्र पोलीस स्टेशनला अकस्मात मृत्यूची नोंद करण्याचे काम सुरु होते.
