पाचोरा शहरातील घटना
पाचोरा (प्रतिनिधी) – येथील शेतकऱ्याने राहत्या घरी छताला गळफास लावून घेत आत्महत्या केल्याची घटना बुधवारी दुपारी १२ वाजता घडली. याप्रकरणी पाचोरा पोलीस स्टेशनला अकस्मात मृत्यूची नोंद करण्यात आली आहे.
मानसिंगका कॉलनीतील रहिवासी भारत नारायण पाटील (वय ६३) या वृद्ध शेतकऱ्याने राहत्या घरी छताला दोरीने गळफास घेऊन आत्महत्या केल्याची घटना बुधवारी दुपारी १२ वाजता घडली. पाटील यांची सारोळा शिवारात शेतजमीन आहे. ते नापिकीने त्रस्त होते. त्यातच चार महिन्यांपुर्वी त्यांच्या पत्नीचे निधन झाले. कर्जाचा बोझा असल्याने ते व्यथित झाले होते. पाचोरा पोलिसात अकस्मात मृत्यूची नोंद झाली आहे. तपास पोहेकाँ मल्हार देशमुख करीत आहे.
