रावेर तालुक्यातील सावदा गावानजीक घडली घटना
रावेर ( प्रतिनिधी ) – भामर्डी ता. धरणगांव येथील ३० वर्षीय विवाहित पुरुषाचा मृतदेह दि.२२ रोजी सकाळी ९ वाजेच्या दरम्यान रायपुर पाटचारीनजीक रेल्वे रुळावर मिळून आला आहे. याबाबत सावदा पोलीस स्टेशनला अकस्मात मृत्यूची नोंद करण्यात आली आहे.
भामर्डी येथील कमलेश ज्ञानेश्वर पाटील (वय – ३०) हा विवाहित तरुण दि.१९ रोजी मुंबईहून धरणगाव येण्यासाठी रेल्वेने निघाला होता.(केसीएन)त्याच दिवशी त्याने त्याच्या काकाला कॉल करून, झोप लागल्याने गाडी भुसावळहून पुढे निघाली असे कळविले. त्यांनी सावदा येथे उतरून भुसावळ येण्याची माहिती दिली होती. त्यानंतर मात्र त्याचा संपर्क होत नव्हता, नातेवाईक त्याचा शोध घेत असतांना दि. २२ रोजी त्याचा मृतदेह सावदा स्टेशन जवळील रायपुर पाटचरीजवळ मिळून आला.
याबाबत गॅगमन सलीम शेख यांनी रेल्वे प्रशासनाला याबाबत माहिती दिली असता, मृतदेह सावदा पोलीस स्टेशनच्या माध्यमातून रावेर येथे ग्रामीण रुग्णालयात आणण्यात आला होता.(केसीएन)मयत कमलेश पाटील हे त्यांचा १ वर्षाच्या मुलाचा सुरत येथे नुकताच वाढदिवस साजरा करण्यासाठी गेला होता. तेथून परतल्यावर घटना घडली असल्याची माहिती आहे. याबाबत सावदा पोलीस स्टेशन येथे नोंद करण्यात आली आहे.
