एरंडोल तालुक्यात नंदगाव रोडवर घडली होती घटना
जळगाव (प्रतिनिधी) : एरंडोल तालुक्यातील नंदगाव रोडवर घरी परतणाऱ्या प्रौढाला ट्रॅक्टरने जबर धडक दिली होती. धडकेत प्रौढावर जळगावात खाजगी रुग्णालयात गेल्या आठवड्यापासून उपचार सुरु होते. दरम्यान गुरुवारी दि. १३ रोजी दुपारी साडेचार वाजेच्या सुमारास त्यांची प्राणज्योत मालविली. घटनेप्रकरणी एरंडोल पोलीस स्टेशनला गुन्हा दाखल असून मृत्यूची नोंद घेण्याचे काम सुरु होते.
युवराज दामू सैंदाणे (वय ५३, रा. नंदगाव ता. एरंडोल) असे मयत प्रौढाचे नाव आहे. त्यांच्या पश्चात पत्नी, ४ मुले, सुना असा परिवार आहे. हातमजुरी करून ते परिवाराचा उदरनिर्वाह करीत होते. (केसीएन)दरम्यान, शुक्रवारी दि. ७ मार्च रोजी संध्याकाळी ७ वाजेच्या सुमारास एरंडोल येथून त्यांचे गावी जात होते. तेव्हा नंदगाव रस्त्यावर एका ट्रॅक्टरने त्यांच्या दुचाकीला जबर धडक दिली. या धडकेत युवराज सैंदाणे हे गंभीर जखमी झाले होते.
कुटुंबीयांनी त्यांना जळगाव येथील एका खाजगी रुग्णालयात उपचारासाठी दाखल केले होते. उपचार सुरु असताना ७ दिवसांनी गुरुवारी दि. १३ रोजी दुपारी साडे चार वाजता त्यांची प्राणज्योत मालविली.(केसीएन)यावेळी कुटुंबीयांनी एकच आक्रोश केला. दरम्यान, युवराज सैंदाणे यांच्या मृत्यूमुळे नंदगाव गावावर शोककळा पसरली आहे. एरंडोल पोलीस स्टेशनला गुन्हा दाखल झाला असून पुढील नोंद घेण्याचे काम सुरु होते.
