पाचोरा तालुक्यातील खडकदेवळा गावाजवळ घटना
पाचोरा (प्रतिनिधी) : धावत्या मोटरसायकलवरून पडल्याने एक ३९ वर्षीय विवाहितेचा दुर्दैवी मृत्यू झाल्याची घटना तालुक्यातील खडकदेवळा गावाजवळ घडली आहे. या घटनेबाबत पाचोरा पोलीस ठाण्यात अकस्मात मृत्यूची नोंद करण्यात आलीआहे.
सरुबाई भिकन पाटील (वय ३९ वर्ष, रा. सारोळा ता. पाचोरा) असे अपघातात मृत्यू झालेल्या विवाहितेचे नाव आहे. मयत सरुबाई पाटील यांचे पश्चात पती, तीन विवाहित मुली, एक मुलगा असा परिवार आहे. सरुबाई पाटील ह्या पती भिकन पाटील यांचेसह छत्रपती संभाजीनगर येथे नातेवाईकांच्या भेटीसाठी गेल्या होत्या. दरम्यान मंगळवारी १२ मार्च रोजी छत्रपती संभाजी नगर येथुन सारोळा गावी येत असतांनाच खडकदेवळा गावाजवळ रस्त्यांची दुरावस्था झाल्याने यात मोटरसायकलवर मागे बसलेल्या सरुबाई पाटील यांचा तोल गेल्याने त्या खाली पडल्या व त्यांचा जागीच दुर्दैवी मृत्यू झाला. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे. घटनेचा पुढील तपास पोलिस निरीक्षक अशोक पवार यांच्या मार्गदर्शनाखाली पोलिस हवालदार विकास खरे हे करीत आहे.
