डॉ. वर्षा पाटील यांचा रूग्णांशी भावनिक संवाद ; रूग्णांकडून शुभेच्छांचा वर्षाव
जळगाव ( प्रतिनिधी ) – गोदावरी फाउंडेशनचे अध्यक्ष माजी खा. डॉ. उल्हास पाटील यांचा दि. २३ रोजी वाढदिवस आहे. यानिमीत्ताने डॉ. उल्हास पाटील रूग्णालयाच्या हभप जगन्नाथ महाराज अंजाळेकर नेत्रालयात ७५ रूग्णांवर मोतीबिंदूची फेको शस्त्रक्रिया करून त्यांना नवीन दृष्टी मिळाली आहे. दरम्यान फाउंडेशनच्या सचिव डॉ. वर्षा पाटील यांनी शस्त्रक्रिया झालेल्या सर्व रूग्णांशी साधलेला संवाद भावनिक क्षण ठरला.
डॉ. उल्हास पाटील यांचा वाढदिवस दरवर्षी समाजोपयोगी उपक्रमांनी साजरा केला जातो. यंदाही दि. २३ रोजी त्यांच्या वाढदिवसानिमीत्त शस्त्रक्रिया अभियानाचे आयोजन करण्यात आले आहे. या अभियानांतर्गत सर्वप्रकारच्या शस्त्रक्रिया ह्या मोफत केल्या जात आहे. यात डॉ. उल्हास पाटील रूग्णालयातील नेत्रविभाग अग्रेसर ठरला आहे.
७५ रूग्णांवर फेको पध्दतीची शस्त्रक्रिया
डॉ. उल्हास पाटील रूग्णालयाच्या हभप जगन्नाथ महाराज अंजाळेकर नेत्रालयाचे प्रमुख डॉ. एन.एस. आर्विकर यांच्या मार्गदर्शनाखाली नेत्ररोग तज्ञ डॉ. नि.तु. पाटील यांनी ७५ रूग्णांवर मोतीबिंदूची फेको पध्दतीची आधुनिक शस्त्रक्रिया केली. या शस्त्रक्रियेमुळे खान्देशसह विदर्भातील नेत्ररूग्णांना नवी दृष्टी मिळाली आहे.
डॉ. वर्षा पाटील यांचा रूग्णांशी संवाद
शस्त्रक्रियेनंतर सर्व ७५ नेत्ररूग्णांनी डॉ. उल्हास पाटील यांच्या वाढदिवसानिमीत्त शुभेच्छांचा वर्षाव केला. तसेच यावेळी संस्थेच्या सचिव डॉ. वर्षा पाटील यांच्याशी रूग्णांनी साधलेला संवाद हा अतिशय भावनिक ठरला. रूग्णांनी डॉ. उल्हास पाटील यांच्याबद्दल शब्दरूपी कौतुक केले. डॉ. वर्षा पाटील यांनी रूग्णांना शस्त्रक्रियेनंतरची काळजी कशी घ्यावी याबाबत माहिती दिली.
यांची होती उपस्थिती
यावेळी कार्यक्रमात वैद्यकीय महाविद्यालयाचे संचालक डॉ. एन.एस. आर्विकर, डिन डॉ. प्रशांत सोळंके, वैद्यकीय अधीक्षक डॉ. प्रेमचंद पंडीत, डॉ. नि.तु. पाटील, डॉ. रेणूका पाटील, डॉ. मयूरी निलावाड, डॉ. अंजली मयेकर, डॉ. शिफा मिर्झा, डॉ. आशुतोष गिरबीडे, डॉ. दर्शन कुकीयन, डॉ. यश पाटील,डॉ. जतीन बाविस्कर, डॉ. पल्लवी घुळे, डॉ. उर्मी हे उपस्थित होते.
