जळगाव शहरातील छ. संभाजी नगर येथील घटना
जळगाव (प्रतिनिधी) : शहरातील छत्रपती संभाजीनगर येथील रहिवासी महाविद्यालयीन तरुणीने राहत्या घरी नैराश्यात येऊन गळफास घेत आत्महत्या केल्याची धक्कादायक घटना सोमवारी संध्याकाळी उघड झाली आहे. याप्रकरणी रामानंद नगर पोलीस स्टेशनला अकस्मात मृत्यूची नोंद करण्यात आली आहे.
विशाखा गौतम सोनवणे (वय १९, रा. छ. संभाजीनगर, जळगाव) असे मयत तरुणीचे नाव आहे. ती आई, वडील, १ भाऊ, १ बहीण यांचेसह राहत होती. आयएमआर महाविद्यालयात ती शिक्षण घेत होती.(केसीएन) सोमवार दि. ३ फेब्रुवारी रोजी विशाखा हि संध्याकाळी घरी होती. तिची आई वरच्या मजल्यावर असताना विशाखाने घराच्या खालील खोलीत छताला गळफास लावून घेत आत्महत्या केली.
दरम्यान, कुटुंबियांना समजताच त्यांनी एकच हंबरडा फोडला. दरम्यान, नातेवाईकांनी विशाखाला शासकीय वैद्यकीय महाविद्यालय व रुग्णालयात उपचारासाठी दाखल केले असता तेथे वैद्यकीय अधिकाऱ्यांनी तिला मृत घोषित केले. (केसीएन) हसतमुख, मनमिळावू असलेल्या विशाखाने आत्महत्या कोणत्या नैराश्याखाली केली हे अद्यापही समजलेले नाही. विशाखाच्या मृत्यूमुळे कुटुंबियांसह तिच्या मित्र परिवारावर जबर धक्का बसला आहे. याप्रकरणी रामानंद नगर पोलीस स्टेशनला अकस्मात मृत्यूची नोंद करण्यात आली आहे.
