पुणे ( प्रतिनिधी ) – रेल्वे स्टेशन ते माल धक्का दरम्यान असलेल्या सार्वजनिक शौचालयामध्ये १२ वर्षीय मुलीवर ३५ वर्षीय नराधमाने बलात्कार केल्याची घटना घडली बंडगार्डन पोलीस स्टेशनमध्ये गुन्हा दाखल करण्यात आला आहे.
पुणे स्टेशन ते मालधक्का चौक दरम्यान एक सार्वजनिक शौचालय आहे. त्या शौचालयाच्या आत छोट्याशा जागेत, पीडित १२ वर्षीय मुलगी आणि तिचे कुटुंबीय राहण्यास आहे. काल दुपारी पीडित मुलगी शौचास गेल्यावर तिच्या मागे एक व्यक्ती गेला आणि तिच्यावर अत्याचार केला.
त्याच दरम्यान पीडित मुलीचा काका तिथे आल्यावर दरवाजा वाजविला. त्याच क्षणी आरोपी दरवाजा उघडून काकाला बाजूला ढकलून पळून गेला आणि पीडित मुलीने काकाला घडलेली घटना सांगितली. आरोपी त्याच भागातील असल्याचे पीडितेच्या कुटुंबीयांनी सांगितले असून तपास सुरू असल्याचे बंडगार्डन पोलिसांनी सांगितले.
