जळगाव ( प्रतिनिधी ) – जोशी पेठ येथील महिलेने गळफास घेवून आत्महत्या केली आहे. शनीपेठ पोलीस ठाण्यात अकस्मात मृत्यूची नोंद करण्यात आली आहे. फिरदोस बी जुबेर खाटीक असे मयत महिलेचे नाव आहे.
फिरदोसबी या जोशीपेठेत पती जुबेर आणि मुलासह वास्तव्यास होत्या. त्यांच्या मुलाचा पेपर दुपारी सुटणार असल्यामुळे जुबेर खाटीक त्याला घेण्यासाठी शाळेत गेले होते. त्याच दरम्यानात फिरदोसीबी यांनी राहत्या घरात ओढणीच्या सहाय्याने गळफास घेवून जीवनयात्रा संपविली. आत्महत्या करण्याचे कारण लगेच समजू शकले नाही. ही घटना ८ एप्रिलरोजी दुपारी घडली. जुबेर खाटीक मुलाला घेवून घरी परतल्यानंतर त्यांना पत्नीने गळफास घेतल्याचे दिसून आले. त्यानंतर नातेवाईकांच्या मदतीने मृतदेह जिल्हा रूग्णालयात नेण्यात आला. वैद्यकीय अधिकारी यांनी मयत घोषीत केले. शनिपेठ पोलीस ठाण्यात अकस्मात मृत्यूची नोंद करण्यात आली आहे.
