जळगाव ( प्रतिनिधी ) – अल्पवयीन मुलीला पळवून नेत तिच्यावर अत्याचार करुन फरार असलेल्या संशयित आरोपीला एमआयडीसी पोलिसांनी सुप्रिम कॉलनीतून अटक केली.
शहरातील सुप्रिम कॉलनीतील मुकेश अशोक पाटील (वय-२५) याने अहमदाबाद येथील अलीस ब्रिज पोलीस ठाण्याच्या हद्दीतील अल्पवयीन मुलीस पळवून नेत तिच्यावर अत्याचार केले होते. मुकेश याच्यावर पोस्को ॲक्टनुसार बलात्काराचा गुन्हा दाखल करण्यात आला होता. गुन्हा दाखल झाल्यापासून मुकेश फरार होता. याची माहिती एमआयडीसी पोलीस ठाण्याचे पोलीस निरीक्षक प्रताप शिकारे यांना मिळाली. त्यांनी पथक तयार करुन आरोपी मुकेश पाटील याला ६ रोजी दुपारी सुप्रिम कॉलनी परिसरातून अटक करीत अलीस ब्रिज पोलीसांच्या स्वाधीन करण्यात आले.ही कारवाई पोउनि दीपक जगदाडे, सहाय्यक फौजदार आनंदसिंग पाटील, अतुल वंजारी, मिलींद सोनवणे, हेमंत कळसकर, विकास सातदिवे, सुधीर साळवे, चंद्रकांत पाटील यांच्या पथकाने केली.
