रावेर तालुक्यात चिनावल शिवारातील घटना
रावेर (प्रतिनिधी) : तालुक्यातील चिनावल शिवारातील एका विहिरीत बेपत्ता तरुणाचा मृतदेह सोमवारी दि. १५ सप्टेंबर रोजी आढळून आला आहे. कुंभारखेडा रोडवरील निखिल पितांबर भारंबे यांच्या शेतातील विहिरीमध्ये हा मृतदेह तरंगताना सापडला. सावदा पोलीस स्टेशनला अकस्मात मृत्यूची नोंद करण्यात आली आहे.
समीर सुराज तडवी (वय ३०, रा. चिनावल ता. रावेर) असे मयत तरुणाचे नाव आहे. सहा दिवसांपासून तो बेपत्ता असल्याची माहिती आहे. समीर तडवी हा ९ सप्टेंबर रोजी दुपारी २ वाजल्यापासून बेपत्ता होता. त्याचा मृतदेह दि. १५ सप्टेंबर रोजी दुपारी ४ वाजता विहिरीत सापडला. घटनेची माहिती साहिल इलमोद्दिन तडवी (वय २६) यांनी सावदा पोलीस ठाण्यात दिली. पोलिसांनी तात्काळ घटनास्थळी धाव घेतली आणि पंचनामा करून मृतदेह शवविच्छेदनासाठी रावेर येथील ग्रामीण रुग्णालयात पाठवला आहे. सावदा पोलिसांनी या प्रकरणात अकस्मात मृत्यूची नोंद केली आहे. पोलीस उपनिरीक्षक राहुल सानप हे सहायक पोलीस निरीक्षक विशाल पाटील यांच्या मार्गदर्शनाखाली पुढील तपास करत आहेत.
