जळगाव ( प्रतिनिधी ) – नशिराबाद गावाजवळील पाश्वर पेट्रोल पंपाजवळ मागून ट्रीपलसीट वेगाने जाणार्या दुचाकीस्वारांनी समोर पुढे जात असलेल्या दुचाकीस्वाराला जोरदार धडक दिल्याने एक जखमी झाल्याची घटना घडली. याप्रकरणी बुधवारी दुचाकीस्वाराविरुद्ध नशिराबाद पोलीस स्टेशनला गुन्हा दाखल करण्यात आला आहे.
याबाबत सविस्तर महीती अशी की, शहरातील पिंप्राळा परिसरातील त्रिमुर्ती हाऊसिंग सोसायटीमध्ये संजय वसंत सोनवणे हे रहायला आहे. ३० ऑक्टोंबर रोजी रात्री ८.३० वाजेच्या सुमारास (एमएच १९ एए ०५८०) क्रमांकाच्या दुचाकीने भुसावळकडून जळगावकडे येत होते. दरम्यान, नशिराबाद गावाजवळील पाश्वर पेट्रोलपंपाच्या पुढे मागून भरधाव वेगाने येणार्या ट्रीपलसीट दुचाकीने (एमएच १९ सीएल ८६५७) क्रमांकाच्या दुचाकीस्वाने समोर पुढे जात असलेल्या संजय सोनवणे यांच्या दुचाकीला जोरदार धडक दिली. या अपघातात सोनवणे हे गंभीर जखमी झाले असून त्यांच्या दुचाकीचे नुकसान झाले आहे. याप्रकरणी बुधवार २ नोव्हेंबर रोजी दुपारी २ वाजता संजय सोनवणे यांच्या तक्रारीवरून नशिराबाद पोलीस स्टेशनला अज्ञात दुचाकीस्वाराविरुद्ध गुन्हा दाखल करण्यात आला आहे. पुढील तपास गजानन देशमुख हे करीत आहेत.
