वावडदा ( प्रतिनिधी ) – बिलवाडी ( ता जळगाव ) येथे आज दारूबंदीसाठी महीला आक्रमक झालेल्या पाहून ग्रामपंचायतीने दारूबंदीचा ठराव मंजूर केला या वेळी गावातील सर्व महिला उपस्थित होत्या.
काही दिवसा पूर्वी वावडदा येथे 100 टक्के दारू बंद करून ठराव करण्यात आला होता . बिलवाडी गावातील सी आर पी महिला बचत गट अध्यक्ष संगिता रोहिदास पाटीलसह या महिलानी पुढाकार घेऊन गावातील महिलांना एकञ करून दारू बंदीचे निवेदन सरपंच सुलभा पाटील, उपसरपंच कविता पाटील .पो पाटील सुवर्णा उमरे, ग्रामसेवक एस एल बागुल यांना देण्यात आले सर्व महिलांनी गावठी दारू विक्री करणाऱ्याना समज दिली. परंतु दारू विक्री करणाऱ्यानी ह्या सर्व महिलांना धमकी दिली, त्यामुळे सर्वच महिला आक्रमक झाल्या होत्या. पोलिस पाटील यांनी महिलांना शांत केले. या वेळी गावातील समाधान पाटील, विनोद पाटील, भरत पाटील, आबा गोपाळ, सुमन धनगर यांच्यासह गावातील 400 महिला उपस्थित होत्या.
