जळगाव ( प्रतिनिधी ) – चारचाकी आणि दुचाकीत झालेल्या धडकेत दुचाकीस्वार जखमी झाल्याची घटना नशीराबादनजीक महामार्गावर घडली
नशीराबाद येथे मोहिब्बुल हक मन्यार ( वय ३९ ) हा वास्तव्यास आहे. तो मजुरी करतो . मोहिब्बुल १ जून रोजी दुपारी त्याच्या एम.एच. १९ डी.एक्स ६२८६ क्रमाकांच्या दुचाकीने महामार्गाने जात असतांना महेंद्रा शोरुमजवळ त्याच्या दुचाकीला चारचाकीने धडक दिली. अपघातानंतर चारचाकीचालक घटनास्थळावरुन पळून गेला या अपघातात मोहिब्बुल जखमी होवून त्याच्या दुचाकीचे नुकसान झाले
मोहिब्बुल याने ३ जून रोजी चारचाकी चालकाविरोधात नशीराबाद पोलिसात तक्रार दिली. चारचाकीवरील अनोळखी चालकाविरोधात गुन्हा दाखल झाला आहे. पुढील तपास पो हे कॉ राजेंद्र ठाकरे करीत आहेत.
