मुंबई ( प्रतिनिधी ) – राज्यातील प्राथमिक, माध्यमिक शिक्षकांना चोवीस वर्ष सलग सेवेनंतर निवड वरिष्ठ श्रेणी लागू होणेसाठी राष्ट्रीय शिक्षण संशोधन परिषदेकडून ऑनलाइन पद्धतीने घेण्यात येत असलेल्या प्रशिक्षणाचा पुरता फज्जा उडाला आहे .
सतत सर्वर डाऊन असणे , किचकट प्रक्रिया , समन्वयाचा अभाव असे ग्रहण या प्रशिक्षणाला लागले आहे . पूर्वापार पद्धतीने ज्येष्ठ तज्ञ मार्गदर्शकांकडून ऑफलाइन पद्धतीने हे प्रशिक्षण दिले जात होते . प्रशिक्षणासाठी कोणतेही शुल्क आकारले जात नव्हते. गेल्या काही वर्षात हे प्रशिक्षण स्थगित करण्यात आले
यावेळी मात्र 94 हजार 541 नोंदणीकृत प्रशिक्षणार्थीकडून प्रत्येकी दोन हजार रुपये प्रमाणे करोडो रुपयांचे संकलन करून इन्फोसिस स्प्रिंग बोर्ड ॲप या संस्थेला हे काम एससीईआरटी कडून देण्यात आलं. प्रत्यक्षात मात्र या संस्थेचा पहिल्या तासापासून प्रचंड गोंधळ उडाला मुळात तीस वर्षे झालेल्या शिक्षकांना संगणकीय ज्ञान कमी आणि यांची किचकट प्रक्रिया यामुळे व मदतीला कोणीच नसल्यामुळे तक्रारसुद्धा त्यांना ऑनलाईन नोंदवता येत नाही साठ तासांचे प्रशिक्षण कसे पूर्ण होणार याची तास न तास लोक वाटत पाहत बसले. दुसऱ्या दिवशी त्यानी मेल केले की पुढील तीन दिवस सर्वर बिघाडामुळे व अद्यावत करणे मुळे प्रशिक्षण बंद असेल हे ई-मेल सर्वांना प्राप्त झाले. त्यानंतर लॉगिन होत नव्हते , झाले तर स्वाध्याय पीडीएफ अपलोड होत नव्हते. एक जुन ते तीस जुन असा कालावधी ठेवला आहे.शाळा सुरू झाल्यानंतर दुर्गम भागातील शिक्षकाना तर इंटरनेट अभावी ऑनलाईन प्रशिक्षण अजून त्रासदायक होणार आहे. शासनाने यात हस्तक्षेप करून हे प्रशिक्षण आता बंद करावे अशी मागणी या शिक्षकांकडून होते आहे.
