बीजिंग ( वृत्तसंस्था ) – चीनमध्ये पुन्हा कोरोनाने कहर केला असून लॉकडाउन लावण्याची वेळ ओढावली आहे. अनेक देश कोरोनाच्या विळख्यातून बाहेर पडत असताना चीनने मात्र जगाची चिंता वाढवली आहे. चीनमध्ये कोरोनाचा नवा उपप्रकार आढळला आहे. हा उपप्रकार ओमायक्रॉन व्हेरियंटचा आहे. चीनमध्ये एका दिवसात १३ हजारापेक्षा जास्त रुग्ण आढळले आहेत.
शांघाईपासून ७० किमीपेक्षा कमी अंतरावरच्या शहरातील सौम्य लक्षणं असणाऱ्या एका रुग्णापासून हा नवा उपपक्रार विकसित झाल्याचा अंदाज आहे. सिक्वेंसिंग डेटा आणि स्थानिक आरोग्य प्रशासनाकडून मिळालेल्या माहितीच्या आधारे हे सांगण्यात आलं आहे. उपप्रकार चीनमधील कोरोना किंवा GISAI, जिथे जगभरातील शास्त्रज्ञ उत्परिवर्तनांचे निरीक्षण करण्यासाठी त्यांनी सिक्वेसन्स केलेला व्हायरस शेअर करतात त्यांच्याकडे सादर केलेल्या इतर व्हायरसशी जुळत नाही.
उत्तर चीनमधील डालियान शहरात शुक्रवारी नोंदवण्यात आलेल एक प्रकरणदेखील देशांतर्गत आढळलेल्या कोणत्याही करोना व्हायरसशी जुळत नाही १२ हजार प्रकरणं कोणतीही लक्षणं नसणारी असल्याचं सांगण्यात आलं आहे. आर्थिक केंद्र असणाऱ्या शांघाईत सध्या परिस्थिती अनियंत्रित आहे. शनिवारी हजार रुग्ण आढळले असून यामध्ये ७७८८ लक्षणं नसणारे होते. मोठ्या प्रमाणात चाचण्या सुरु करण्यात आल्या आहेत .
