जळगाव ( प्रतिनिधी ) – शिवाजी नगरातील दुध फेडरेशन परिसरातील ३२ वर्षीय तरूण कामावर जात असल्याचे घरी सांगून बेपत्ता झाला आहे. शहर पोलीस ठाण्यात हरविल्याची नोंद करण्यात आली आहे.
शिवाजी नगरातील दुध फेडरेशन भागात हेमंत राजेंद चौधरी (वय-३२) पत्नी व दोन मुलांसह वास्तव्याला आहे. पेंटरचे काम करून उदरनिर्वाह करतो. २ एप्रिल रोजी सकाळी कामावर जातो असे पत्नी गायत्री चौधरी यांना सांगून घराबाहेर पडले. त्यावेळी हेमंत चौधरी यांनी त्यांचा मोबाईल घरीच ठेवला होता. रात्री ९ पर्यंत हेमंत घरी आला नाही. यामुळे त्यांची पत्नी गायत्री यांनी नातेवाईक व मित्रांकडे शोधाशोध केली परंतू कुठेही आढळून आला नाही ३ एप्रिल रोजी सकाळी गायत्री चौधरी यांनी शहर पोलीस ठाण्यात माहिती दिली. त्यांच्या खबरीवरून शहर पोलीस ठाण्यात बेपत्ता झाल्याची नोंद करण्यात आली आहे.
