जळगाव ( प्रतिनिधी ) – घरासमोर बसण्याच्या कारणावरून दोन गटांमध्ये हाणामारीत दगडफेक करण्यात आल्याची घटना तांबापूरा येथील मच्छीबाजार येथे घडली यात एकजण जखमी झाला ३ ऑगस्ट रोजी एमआयडीसी पोलीस ठाण्यात आठ जणांविरोधात गुन्हा दाखल करण्यात आला
तांबापुरा भागातील मच्छीबाजार येथे घरासमोर बसण्याच्या कारणावरुन दोन गटांमध्ये तुफाण हाणामारी व दगडफेक झाल्याची घटना २ ऑगस्ट रोजी रात्री मच्छिबाजार येथे घडली होती. मारहाणीत दगड आणि दारूच्या बाटल्यांचा वापर करण्यात आला होता. जुबेर उर्फ सिंगाड्या यासीन खाटीक हा जखमी झाला होता. त्याला जिल्हा शासकीय वैद्यकीय महाविद्यालयात दाखल करण्यात आले.
दोन गटांमध्ये हाणामारी होत असल्याचे माहिती एमआयडीसी पोलिस ठाण्याचे पोलिस कर्मचाऱ्यांना मिळाली. सहायक फौजदार अतुल वंजारी, पोकॉ. रामकृष्ण पाटील, मंदार पाटील, इमरान रहीम बेग यांनी धाव घेऊन परिस्थितीवर नियंत्रण मिळविले. पो कॉ इम्रान रहिम बेग यांच्या फिर्यादीवरून ३ ऑगस्ट रोजी दुपारी एमआयडीसी पोलीस ठाण्यात संशयित आरोपी जुबेर उर्फ सिंगाड्या यासीन खाटीक, शेख रईस शेख रशीद, अश्पाक शेख, रवींद्र राजू हटकर, राकेश उर्फ डॉलर धनराज हटकर, अतिश उर्फ वास्तव हटकर, तोब्यात धनराज हटकर ( सर्व रा- तांबापुरा , जळगाव ) यांच्या विरोधात गुन्हा दाखल करण्यात आला पुढील तपास पो उ. नि. रवींद्र गिरासे करीत आहेत.
