पारोळा ( प्रतिनिधी ) – घरासमोर उभा केलेला ट्रॅक्टर चोरणाऱ्या चोराचा दोन दिवसात छडा लावत पारोळा पोलिसांनी गुन्हा त्याच्याकडून वदवून घेत ट्रॅक्टरही जप्त केला आहे . या आरोपीला न्यायालयाने २ दिवसांची पोलीस कोठडी सुनावली आहे .
भोकरबारी येथून चंदू पाटील यांनी त्यांचे घरासमोर लावलेला स्वराज -744 कंपनीचा ट्रॅक्टर अज्ञात चोरट्याने रात्री चोरून नेला होता पारोळा पोलीस ठाण्यात चार लाख किमतीचे ट्रॅक्टर चोरीचा गुन्हा 28 मेरोजी दाखल करण्यात आला होता . पो नि रामदास वाकोडे यांचे मार्गदर्शनखाली हवलदार विनोद साळी, सुनील साळुंके, किशोर भोई, राहुल कोळी, राहुल पाटील, अभिजित पाटील यांनी तपासचक्र फिरविले सीसीटिव्ही फुटेजमध्ये चोरटा ट्रॅक्टर नेतांना दिसून आला.त्यावरून शोध घेतला असता चोरटा प्रविण जालिंदर मोरे ( वय 20 , रा बोदर्डे ता पारोळा) यास अटक करून चौकशी केल्यावर त्याने गुन्ह्याची कबुली दिली त्यांने चोरलेला ट्रॅक्टर करंजी शिवारात हॉटेल रॉयलचे पाठीमागे लपवून ठेवलेला होता दोन पंचसमक्ष ट्रॅक्टर आरोपीने काढून दिल्यावर तो पोलिसांनी जप्त केला आहे.आरोपीस दोन दिवसाची पोलिस कोठडी न्यायालयाने सुनावली आहे.
