जळगाव ( प्रतिनिधी ) – बी.जे. मार्केट जवळील रेडक्रॉस सोसायटीसमोर जुन्या वादातून तरुणाच्या डोक्यात काचेची बाटली मारून दुखापत केली आहे. याबाबत जिल्हापेठ पोलीस ठाण्यात गुन्हा दाखल करण्यात आला
अविनाश खंडू बनसोडे (वय-२७ ) महावीर नगर, दूध फेडरेशन) येथे कुटुंबीयांसह वास्तव्याला आहे. खाजगी हॉस्पिटल येथे डॉक्टर म्हणून नोकरीला आहे. २८ जून रोजी सकाळी अविनाश बनसोडे बी.जे. मार्केट जवळील रेडक्रॉस सोसायटीसमोर आलेला होता. मागील भांडणाच्या कारणावरून राजेश विनोद बनसोडे व त्याच्या सोबत असलेले त्याचे तीन अनोळखी मित्र यांनी शिवीगाळ करून काचेची बाटली डोक्यात मारली आणि फायटरने डोळ्यावर वार करून गंभीर दुखापत केली. २९ जून रोजी दुपारी राजेश बनसोडे यांनी जिल्हापेठ पोलीस ठाण्यात तक्रार दिली. त्यांच्या तक्रारीवरून राजेश बनसोडे आणि त्याच्या सोबत असलेले त्याचे तीन मित्र यांच्या विरोधात गुन्हा दाखल करण्यात आला आहे. पुढील तपास पो ना संदीप पाटील करीत आहेत.
