पाचोरा ( प्रतिनिधी) – शहरातील सुपडू भादू पाटील विद्यामंदिर विद्यार्थ्यांनी गो.से हायस्कूलला भेट दिली. यावेळी इ.४ थी विद्यार्थ्यांनी चित्रकला स्पर्धा, प्रश्नमंजुषा स्पर्धेत सहभाग घेऊन बक्षीस मिळवली. विद्यार्थ्यांमध्ये कुतूहल व उत्साह दिसून आला.
शाळेची भव्य इमारत, क्रीडांगण, ग्रंथालय, प्रयोगशाळा, संगीत दालन, संगणक हॉल, कलादालन व तेथील कलाकृती पाहून विद्यार्थी भारावले. विद्यार्थ्यांचे स्वागत मुख्याध्यापिका प्रमिला वाघ, उपमुख्याध्यापक एन आर पाटील यांनी केले.आर बी बोरसे यांनी विद्यार्थ्यांना शाळेविषयी शाळेतील विविध उपक्रमाबद्दल व शिक्षकांविषयी माहिती दिली. शाळेत विविध उपक्रम कसे साजरी करतात याची माहिती दिली. रंगभरण चित्रकला स्पर्धेत मुलांमध्ये कुंदन परदेशी, व मुलींमध्ये दीप्ती शिंदे या विद्यार्थ्यांनी प्रथम क्रमांक मिळवला. विद्यार्थ्यांना बक्षीस देण्यात आली. मुलांमधून १० व मुलींमधून १० अशी वीस बक्षीस विद्यार्थ्यांना देण्यात आली.
यावेळी सुपडू भादू पाटील विद्या मंदिराचे मुख्याध्यापक अशोक परदेशी, दीपक पाटील, जयश्री पाटील, योगिता ठाकूर , शीतल पाटील ,महेश लोखंडे, आशिष पाटील, भुषण पाटील, एन. एस. पाटील इत्यादी शिक्षकांनी सहकार्य केले. सूत्रसंचालन आर बी बोरसे तर आभार कलाशिक्षक प्रमोद पाटील यांनी मानले.
