जळगाव ( प्रतिनिधी ) – बेकायदेशीर गावठी बनावटीचा कट्टा, तीन जिवंत काडतुस व तलवार बाळगणाऱ्या तरुणाला तालुका पोलिसांनी बिबानगर येथून ३ डिसेंबररोजी सायंकाळी अटक करत त्याच्याकडून गावठी बनावटीचा कट्टा व तलवार हस्तगत केली आहे,तालुका पोलीस ठाण्यात गुन्हा दाखल करण्यात आला
बिबानगर परिसरात तरूण बेकायदेशीररित्या गावठी बनावटीचा कट्टा, कडतुस आणि तलवार बाळगत असल्याची माहिती स पो अ कुमार चिंता यांना मिळाली. पो नि रामकृष्ण कुंभार यांच्या मार्गदर्शनाखाली पोउनि नयन पाटील, महेश महाले, रवींद्र मोतीराया, तुषार जोशी, संजय भालेराव, दिनेश पाटील, अशोक महाले, पो कॉ शोभा न्याहळदे या पथकाने संशयित आरोपी अनिल रघुनाथ भोई यांच्या घराची ३ डिसेंबररोजी सायंकाळी झडती घेतली. झडतीत त्याच्या घरातून गावठी बनावटीचा कट्टा, ३ जीवंत काडतुसे आणि लोखंडी तलवार आढळून आली आरोपी अनिल भोईला ताब्यात घेतले असून तलवार, गावठी कट्टा आणि काडतुसे हस्तगत केले आहे. तालुका पोलीस ठाण्यात ३ डिसेंबररोजी गुन्हा दाखल करण्यात आला.
