मुंबई (वृत्तसंस्था) – मराठी भाषेचा अपमान करणाऱ्या गायक जान सानू विरोधात शिवसैनिक आक्रमक झाले होते. हा वाद चिघळण्यापूर्वीच कलर्स वाहिनीने आपला माफीनामा सादर करत दिलगिरी व्यक्त केली आहे. प्रसिद्ध गायक कुमार सानू यांचा मुलगा जान कुमार सानू बिग बॉसच्या 14 व्या भागात स्पर्धक म्हणून सहभागी झाला आहे. त्यादरम्यान निक्की तांबोळीशी बोलताना मराठी भाषेची मला चीड येते, असे वक्तव्य जान सानूनं केलं होतं. त्यामुळे शिवसैनिक आक्रमक झाले असून, जानने मराठी भाषेचा अपमान केला असल्याने शिवसैनिक व मनसैनिकांनी बिग बॉसविरोधात आक्रमक पवित्रा हाती घेतला आहे. जानने तात्काळ माफी मागावी अशी मागणीही कार्यकर्त्यांनी केली आहे. त्यामुळे अखेर कलर्स वाहिनीने मुख्यमंत्री उद्धव ठाकरे यांच्याकडे माफीनामा पत्र पाठवले आहे.
यामुळेच जाननं मराठी भाषेचा अपमान केला असल्याचं म्हणत शिवसैनिक न मनसेच्या कार्यकर्त्यांनी बिग बॉसविरोधात आक्रमक पवित्रा हाती घेतला होता. तसंच, जाननं मराठी भाषेचा अपमान केल्याप्रकरणी माफी मागावी अशी, मागणीही जोर धरु लागली आहे. हा वाद अधिक वाढण्याआधीच कलर्स वाहिनीकडून माफीनामा जारी करण्यात आला आहे. कलर्स वाहिनीनं मुख्यमंत्री उद्धव ठाकरे यांना पत्र लिहीत माफी मागीतली आहे.माफीनाम्यात कलर्स सांगितले आहे की, ‘बिग बॉसचा 27 ऑक्टोबरचा प्रसारित झालेल्या भागातून जान सानूनं केलेल्या वक्तव्यांचा तो भाग हटवण्यात येत आहे. आम्ही मराठी भाषिक व भारतातील सर्व भाषिक प्रेक्षकांच्या भावनांचा आदर करतो.’ असे स्पष्टीकरण कलर्सच्या वतीने देण्यात आले आहे.
