पारोळा ( प्रतिनिधी ) – नगरपरिषद निवडणुकीआधी प्रसिद्ध करण्यात आलेल्या पारोळा शहराच्या पारुप मतदारयाद्यांमध्ये मोठा घोळ झाला असून या याद्यांचे पुंन:निरीक्षण करण्यात यावे अशी मागणी माजी नगराध्यक्ष चंद्र्कांत पाटील यांनी केली आहे .
माजी नगराध्यक्ष चंद्र्कांत पाटील यांनी सांगितले की , राज्य निवडणूक आयोगाच्या सुचनेनुसार पारोळा नगरपरिषदेच्या १२ प्रभागांच्या प्रारूप मतदार याद्या २१ जूनरोजी प्रसिध्द करण्यात आल्या आहेत.
३१ मेरोजी अस्तित्वात आलेल्या विधानसभा मतदारसंघाची यादी ग्राहय धरून प्रभागनिहाय विभाजीत करून त्या प्रसिध्द करण्यात आलेल्या आहेत. परंतू याद्या प्रसिध्द करतांना १२ प्रभागाच्या भौगोलिक सिमा, रचना यां जागेवरील परिस्थितीत व प्रत्यक्षात सर्वेक्षण गरजेचे होते तसे झालेले दिसत नाही . या यादीमधील मयत मतदार , स्थंलातरीत कुटुंब व प्रभाग बाहेरील मतदाराची संख्या प्रत्येक प्रभागात बहुतांश प्रमाणत आहे. बाहेरील प्रभागातील नवीन वाढीव मतदार ईतरत्र प्रभागातील याद्यामध्ये समाविष्ट करण्यात आले आहेत.
या सर्व बाबी पाहता प्रसिध्द केलेल्या १२ प्रभागांच्या याद्यामध्ये मोठा घोळ असून याद्या किचकट असल्याने यादीचे पुर्न:निरीक्षण होणे गरजेचे आहे याद्यांचे पुनच्छ सर्वेक्षण करून यातून मयत, स्थलातरीत व प्रभागबाहेरील नावे वगळण्यात यावीत अशी मागणी माजी नगराध्यक्ष चंद्रकांत भिकनराव पाटील यांनी मुख्याधिकारी तथा प्रशासक यांच्याकडे निवेदनाव्दारे केली आहे .
