जळगाव ( प्रतिनिधी ) – बांभोरी गावाजवळ शाळेसमोरील राष्ट्रीय महामार्गावर पुढे जात असलेल्या डंपरवर मागून बसने धडक दिली. या धडकेत बसमधील काही प्रवाशी जखमी झाले
जळगाव एरंडोल मार्गावर बांभोरी गावाजवळील स्कूलजवळ पुढे जात असलेल्या डंपरला मागून येणारी जळगाव आगाराची बस क्रमांक ( एमएच २० बीएल ७६४ ) ही जळगावकडून शिंदखेडाकडे जात असतांना धडकली. चालकाच्या डाव्या बाजूवरील बसचे नुकसान झाले आहे. काही प्रवासी किरकोळ जखमी झाले जखमींना शासकीय रूग्णालयात रवाना करण्यात आले
या घटनेमुळे वाहतूकीची कोंडी झाली होती.रस्त्याच्या दोन्ही बाजूला वाहनांच्या रांगा लागल्या होत्या. दोन तासानंतर वाहतूक सुरळीत करण्यात आली. यावेळी शहर वाहतूक शाखा, जळगाव तालुका पोलीस ठाण्याचे पथक आणि पाळधी दुरक्षेत्र विभागाचे पोलीस कर्मचारी यांनी वाहतूक सुरळीत केली.
