जळगाव ( प्रतिनिधी ) – सिंधी कॉलनीत बंद घरातून पाच लाखांचा ऐवज चोरणाऱ्या दोन संशयितांना स्थानिक गुन्हे शाखेच्या पथकाने तांबापूरातून पकडले आहे.
सिंधी कॉलनीतील साधना आश्रमजवळील कंवरनगरातील रोहीत मंधवानी कुटुंबियांसह त्यांच्या आत्याच्या मुलाच्या लग्नासाठी अमरावती येथे गेले होते. २६ रोजी ते लग्न आटोपून घरी आले असता, त्यांना दरवाजाचा कोयंडा तुटलेला दिसला त्यांनी पाहणी केल्यानंतर लोखंडी कपाटातून रोख रक्कम व दागिने आणि मिक्सरच्या मोटार असा ४ लाख ९४ हजारांचा ऐवज लांबविल्याचे दिसून आले. एमआयडीसी पोलीसात गुन्हा दाखल करण्यात आला होता.
या गुन्ह्यातील संशयित आरोपी तांबापूरा भागात राहत असल्याची गोपनिय माहिती स्थानिक गुन्हे शाखेचे पो नि किरणकुमार बकाले यांना मिळाल्यावर त्यांनी पथक रवाना केले. संशयित आरोपी हनीफ काकर (वय-२०) आणि त्याचा साथीदार अन्सार शहा रूबाब (वय-१९) यांना तांबापूरात अटक करण्यात आली. दोघांनी घरफोडीची कबुली दिली पुढील कारवाईसाठी दोघांना एमआयडीसी पोलीसांच्या ताब्यात देण्यात आले .
स्थानिक गुन्हे शोखेचे पो नि किरणकुमार बकाले यांच्या मार्गदर्शनाखाली पो उ नि अमोल देवडे, पोहेकॉ विजयसिंग पाटील, जितेंद्र पाटील, नितीन बाविस्कर, किरण धनगर, प्रमोद लाडवंजारी, ईश्वर पाटील, प्रमोद ठाकूर यांच्या पथकाने ही कारवाई केली.
