सावदा, ता. रावेर ( प्रतिनिधी ) – सावदा तालुक्यातील गाते येथील भक्तीधाम जनजागृती सेवाश्रमचे प्रमुख संत बाबू महाराज राहितकर यांचे डंपर चालकाने अचानक रिव्हर्स घेतल्याने झालेल्या अपघातात निधन झाले.
याबाबत सविस्तर वृत्त असे की, रावेर तालुक्यातील गाते येथे भक्तीधान जनजागृती सेवाश्रम असून याचे प्रमुख संत बाबू महाराज राहितकर होते. ते आपल्या मातोश्रीसह या आश्रमाच्या परिसरातील गजानन महाराज मंदिरात राहायला होते.
आज सकाळी एक डंपर परिसरात आले. याच्या चालकाला मागे कुणी उभे असल्याची जाणीव झाली नाही. यामुळे त्याने डंपर रिव्हर्स घेतली. यात बाबू महाराज राहितकर हे गंभीर जखमी झाले. उपचारासाठी त्यांना फैजपूर येथील खासगी रूग्णालयात दाखल केले असता त्यांनी शेवटचा श्वास घेतला. दरम्यान, या अपघाताची माहिती मिळताच महामंडलेश्वर जनार्दन हरीजी महाराज यांच्यासह इतरांनी रूग्णालयात गेले. शेवटचे वृत्त हाती आले तेव्हा या संदर्भात गुन्हा दाखल करण्याचे काम सुरू होते.
