जळगाव ( प्रतिनिधी ) – शहरातील अयोध्यानगरातून हातमजूरी करणाऱ्या तरूणाची घरासमोरून २५ हजार रूपये किंमतीची दुचाकी अज्ञात चोरट्यांनी चोरून नेल्याचे उघडकीला आले आहे. याप्रकरणी एमआयडीसी पोलीस ठाण्यात गुन्हा दाखल करण्यात आला आहे.
प्रमोद नारायण वाणी (वय-३४) रा. अशोक नगर, अयोध्या नगर, जळगाव हा तरूण कुटुंबियांसह वास्तव्याला आहे. हातमजूरी करून आपला उदरनिर्वाह करतो. कामासाठी त्याच्याकडे (एमएची १९ एआर ६६८८) क्रमांकाची दुचाकी आहे. २१ जुलै रोजी रात्री ११ वाजता प्रमोदने त्याची दुचाकी घराच्या समोर पार्किंगला लावलेली होती. मध्यरात्री अज्ञात चोरट्याने २५ हजार रूपये किंमतीची मोटारसायकल चोरून नेल्याचे उघडकीला आले आहे. प्रमोदने परिसरात दुचाकीचा सर्वत्र शोध घेतला असून मिळून आली नाही. अखेर रविवारी २४ जुलै रोजी दुपारी दीड वाजता एमआयडीसी पोलीस ठाण्यात धाव घेवून तक्रार दिली आहे. त्यांच्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास सहाय्यक फौजदार आनंदसिंग पाटील करीत आहे.
