नवी दिल्ली (वृत्तसंस्था ) – देशभर पसरलेल्या साथीच्या स्थिती दरम्यान, अनेक कंपन्या आपल्या कर्मचार्‍यांसाठी मोठ्या घोषणा करत आहेत. आता टाटा स्टीलने आपल्या कर्मचार्‍यांना आणि त्यांच्या कुटुंबियांसाठी सामाजिक सुरक्षा योजना जाहीर केली आहे. या योजनेअंतर्गत, कंपनीच्या कोणत्याही कर्मचार्‍याचा कोरोनामुळे मृत्यू झाल्यास कंपनी त्या कर्मचार्‍याच्या कुटुंबास ६० वर्षे पगार देईल.
कंपनीने ट्विटद्वारे याबाबत माहिती दिली आहे. कंपनीने आपल्या अधिकृत ट्विटर हँडलवर एक परिपत्रक जारी केले आहे, ज्यामध्ये याबद्दलची संपूर्ण माहिती देण्यात आली आहे.
पगाराची रक्कम मृत कर्मचार्‍याच्या शेवटच्या पगाराइतकी असेल.मृत कर्मचारी / नॉमिनी व्यक्तीचे वय 60 वर्षे पूर्ण होईपर्यंतच्या कालावधीसाठी वेतन देण्यात येईल.सर्व वैद्यकीय लाभ मृतांच्या कुटुंबीयांना देण्यात येतील.याशिवाय त्यांना घरांच्या सुविधादेखील उपलब्ध करुन देण्यात येणार आहेत.
कर्मचार्‍यांच्या मुलांच्या पदवीपर्यंत होईपर्यंत लेखन अभ्यासाची संपूर्ण किंमत कंपनी वहन करेल. कंपनीने म्हटले आहे की, कर्मचाऱ्याच्या मृत्यूनंतरही 60 वर्षे सेवा पूर्ण होईपर्यंत त्याच्या कुटुंबास संपूर्ण पगार दिला जाईल. यासह कर्मचार्‍याच्या कुटूंबाला राहण्यासाठी क्वार्टर देण्यात येणार असून त्याबरोबर वैद्यकीय सुविधादेखील देण्यात येणार आहे. इतकेच नाही तर मुलांच्या शिक्षणाचा संपूर्ण खर्चही कंपनी उचलणार आहे.
