पुणे ( प्रतिनिधी ) – मारहाणीनंतर महिलेला लघवी पाजण्याचा प्रयत्न करून विनयभंग केल्याची संतापजनक घटना पिंपरीत घडली शिवीगाळ केल्याचा जाब विचारला म्हणून आरोपींनी हा प्रकार केला
चार महिलांसह आठ जणांवर गुन्हा दाखल करण्यात आला आहे. सूसगावात 15 मेरोजी हा प्रकार घडला. पीडित महिलेने 21 मेला हिंजवडी पोलीस ठाण्यात फिर्याद दिली. आता या महिलेने तक्रार मागे घेतली आहे. फिर्यादी महिला सासऱ्यासोबत तिच्या चुलत सासऱ्याकडे गेली होती. त्यावेळी तुम्ही आम्हाला शिवीगाळ का केली, असा जाब महिलेने विचारला. यामुळे आरोपींना राग अनावर झाला. संतापाच्या भरात सर्व आरोपींनी संगनमत करून फिर्यादी आणि त्यांच्या सासऱ्यांना चप्पल, काठी आणि लाथा-बुक्क्यांनी मारहाण केली.
आरोपींनी केवळ मारहाणच केली नाहीत, तर महिलेस लज्जा उत्पन्न होईल, असे किळसवाणे वर्तनही केले. बाटलीमध्ये लघवी गोळा करून ती फिर्यादीस जबरदस्तीने पाजण्याचा प्रयत्न केला. एका आरोपीने फिर्यादीस मारहाण केली. दुसर्याने आरोपीने फिर्यादी महिलेच्या डोक्यात काठी मारली तर तिसऱ्याने बाटलीमध्ये स्वत:ची लघवी गोळा करून फिर्यादीस पाजण्याचा प्रयत्न करून फिर्यादीच्या मनास लज्जा उत्पन्न होईल, असे कृत्य केले. आणखी एका आरोपीने शिवीगाळ व मारहाण करून फिर्यादी आणि फिर्यादीचे सासरे यांना घरात डांबून ठेवले. त्यानंतर फिर्यादी आणि त्यांच्या सासऱ्यांना आरोपींनी घरात डांबून ठेवले.
