अमळनेर (प्रतिनिधी) – तालुक्यातील मांडळ येथील ३४ वर्षीय तरुणाने गळफास घेवून आत्महत्या केल्याची घटना दि. २१ रोजी घडली आहे. मारवड पोलिसांत अकस्मात मृत्यूची नोंद करण्यात आली आहे.
मांडळ येथील ३४ वर्षीय तरुण दीपक हिरालाल मराठे याने दि. २१ रोजी घरी कोणी नसताना राहत्या घरी स्वयंपाक घरात छताच्या लाकडी सरीला दोरीने गळफास लावून जीवनयात्रा संपविली. त्याचे वडील हे बकरी चारण्यास गेले होते व आई ही बाहेर गेली असल्याने तो घरी एकटा होता. आत्महत्येचे कारण अद्याप समजू शकले नाही. लग्न होत नसल्याच्या विवंचनेत त्याने आत्महत्या केली असावी असा अंदाज आहे. त्याच्या पश्चात आई, वडील, मोठा भाऊ असा परिवार आहे. मारवड पोलिसांत अकस्मात मृत्यूची नोंद करण्यात आली असून पुढील तपास पोना भरत गायकवाड हे करीत आहेत.
