जळगाव (प्रतिनिधी) – शहरापासून जवळ असलेल्या धरणगाव तालुक्यात पाळधीनजीकच्या हॉटेल गोंविंदा समोर मध्यरात्री अडीच वाजता भरधाव ट्रकच्या धडकेत पायी जाणाऱ्या तरूणाची दुदैवी मृत्यू झाल्याची घटना घडली आहे. याप्रकरणी सोमवारी २२ मे रोजी जळगाव तालुका पोलीस ठाण्यात अकस्मात मृत्यूची नोंद करण्यात आली आहे.
संदीप लहू कवडकर (वय-३७) रा. रामजीपुरा, रावेर, ह.मु. पाळधी ता.धरणगाव असे मयत झालेल्या तरूणाचे नाव आहे. संदीप कवडकर हा तरूण पाळधी गावातील हॉटेल गोविंदा येथे वेटर म्हणून गेल्या वर्षभरापासून कामाला होता. सोमवारी २२ मे रोजी मध्यरात्री संदीप हा पायी जात असतांना मागून येणाऱ्या भरधाव वेगाने येणाऱ्या अज्ञात ट्रकने जोरदार धडक दिली. या धडकेत संदीप हा गंभीर जखमी झाला होता. त्याला तातडीने जिल्हा शासकीय वैद्यकीय महाविद्यालयात दाखल करण्यात आले. सकाळी ९ वाजेच्या सुमारास त्याचा उपचारादरम्यान मृत्यू झाला होता. या घटनेबाबत जळगाव तालुका पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ अनिल फेगडे करीत आहे.
