पाचोरा (प्रतिनिधी) – आज पाचोरा तालुका सहकारी औद्योगिक वसाहतीच्या कार्यालयात झालेल्या निवडणुकीत चेअरमनपदी एकनाथ रतन तावडे व व्हाईस चेअरमनपदी मुकेश अग्रवाल या दोघांचे एकमेव अर्ज आल्याने निवडणूक अधिकारी व्हि एम जगताप यांनी चेअरमनपदी एकनाथ तावडे व व्हाईस चेअरमनपदी मुकेश अग्रवाल यांची बिनविरोध निवड घोषित केली
या संस्थेच्या निवडणुकीत पुनमचंद मोर , डी एम पाटील, सचिन कोठावदे , उमेश राका, रवींद्र देवरे हे कारखानदार बिनविरोध निवडून आलेले असून महिला मतदारसंघातून रेखा मथुरवैश्य , लता जैन तर विक्रांत पेंढारकर हे राखीव मतदारसंघातून बिनविरोध निवडून आले आहेत.
इतर मागासवर्गीय मतदारसंघासाठी निवडणूक झाली भूषण वाघ हे मोठ्या फरकाने निवडून आलेले आहेत माजी आमदार दिलीप वाघ, आमदार किशोर पाटील , संजय वाघ , राष्ट्रवादीचे विधानसभा क्षेत्राध्यक्ष नितीन तावडे , तालुकाध्यक्ष विकास पाटील व सहकारी औद्योगिक संस्थेच्या सदस्यांनी व संचालकांनी या पदाधिकाऱ्यांचे अभिनंदन केले आहे.
