जळगाव ( प्रतिनिधी ) – शहरातील महाविरनगरातील सत्यम अपार्टमेंटमधुन अज्ञात चोरट्याने घराचे लोखंडी ग्रिलचे दार उघडून देान मोबाईल लंपास केले शहर पोलीस ठाण्यात अज्ञात चोरट्यांविरेाधात गुन्हा दाखल करण्यात आला आहे.
महावीर नगरातील सत्यम अपार्टमेंटमध्ये सुनिल वामनराव इंगळे हे औषधविक्रेता पत्नी व दोन मुलांसह वास्तव्यास आहे. २० मार्चरोजी सुनिता इंगळे नेहमीप्रमाणे सकाळी मॉर्निक वॉकसाठी निघाल्या. घरातून जातांना घराचे दार आतून बंद करुन त्या निघाल्या. त्यांचे घराचे दार उघडून अज्ञात चोरट्याने आत शिरत टिपॉयवर ठेवलेला एक व दुसरा दिवाणवर ठेवलेला असे दोन मोबाईल असा १८ हजार ५०० रूपये किंमतीचा मुद्देमाल अज्ञात चोरट्याने लंपास केले. सकाळी घर उघडे दिसल्यावर शेजारी महिलेने इंगळे यांना आरोळी मारुन तुमच्या घराचा दरवाजा उघडा असल्याची माहिती दिली. सुनिल इंगळे यांनी झोपेतून उठून बघीतल्यावर घरातील दोघ मोबाईल चोरीला गेल्याचे त्यांना दिसून आले. त्यांनी शहर पोलिस ठाणे गाठून तक्रार दिली अज्ञात चोरट्यांच्या विरुद्ध गुन्हा दाखल करण्यात आला आहे.
