पारोळा (प्रतिनिधी) – शिक्षकेत्तर कर्मचारी संघटनेची सहविचार सभा नुकतीच येथे झाली. पारोळा संघटनेचे ज्येष्ठ सभासद दीपक भावसार यांच्या अध्यक्षतेखाली आयडील इंग्लीश मिडीयम स्कूल पारोळा येथे ही सभा आयोजित करण्यात आली होती.
संघटनेचे तालुका अध्यक्ष विनोद पाटील यांनी विषय मांडले शैक्षणिक वर्ष 2021- 2022 मध्ये पारोळा तालुक्यातील सेवानिवृत्त शिक्षकेतर कर्मचारी व त्यांचे परिवाराचा संघटनेकडून सत्कार व्हावा अशी इच्छा व्यक्त करून सर्व सभासदांकडून समर्थन मिळाले संघटनेचे सचिव प्रसाद नावरकर यांनी सभासद होण्यासाठी वर्गणी 150 रुपये व शाळा वर्गणी 250 रुपये या विषयी मार्गदर्शन केले. जिल्हा सहसचिव गोरख सूर्यवंशी यांनी संघटनेची स्मरणिका 2022 प्रसिद्ध करावयाची असल्याने त्यात मनोगत, कविता किंवा जाहिराती पदसिद्ध लोकनियुक्त पदाधिकारी यांच्याकडून देणगीसाठी निधी गोळा करणे याबद्दल मार्गदर्शन केले.
शेख इसा शेख याकूब यांनी ज्या शिक्षकेतर कर्मचारी यांची 24 वर्ष सेवा झाली असेल व लाभ मिळाला नसेल अशा सर्व कर्मचाऱ्यांची कोर्टात केस टाकण्या विषयी मार्गदर्शन केले त्यानंतर अध्यक्ष दीपक भावसार यांनी मनोगत व्यक्त केले शिक्षकेतर कर्मचारी संघटनेस मजबूत करण्याची गरज आहे आपण लोकांना किंवा इतरांना एकीचे बळ ही गोष्ट सांगतो पण जेव्हा आपल्याला प्रत्यक्षात संघटनेत काम करण्याची किंवा एकीची वेळ येते तेव्हा मतभेद विसरून एकत्र यावे असे आवाहन केले शिक्षक आमदारासारखा शिक्षकेत्तर आमदार असला पाहिजे त्यासाठी संघटीत होण्याची गरज असल्याचे सांगीतले उपाध्यक्ष योगेश बोरसे यांनी उपस्थित सभासदांचे आभार मानले सहविचार सभा यशस्वीतेसाठी अशोक पाटील, उमाकांत पाटील, कैलास पाटील, दिलीप महाजन, धर्मेश चौधरी, मधुकर संधांशिव, ललित चाटे, सचिन काटे आदींचे सहकार्य लाभले.
