कॅनबेरा (वृत्तसंस्था) – कॅनबेरा येथे आज तिसरी वनडे मॅच रंगली आहे. या मॅचमध्ये विराटने हा विक्रम आपल्या नावे केला आहे. गेल्या दोन मॅचमध्ये कोहलीने 110 रन्स केले होते. त्यामुळे आज मैदानावर उरताना त्याला केवळ 23 धावांची गरज होती.
टीम इंडियाचा कर्णधार विराट कोहली याने अजून एका विक्रमाला गवसणी घातलीये. विराट वनडेमध्ये 12 हजार रन्स करणारा सर्वात वेगवान आणि सर्वात जलद खेळाडू बनला आहे.
हा विक्रम मास्टर ब्लास्टर सचिन तेंडुलकर याच्या नावे होता. सचिनने 309 सामन्यांत 12 हजार रन्स केले होते. मात्र कोहलीने 251 मॅचमध्ये 12 हजार रन्सचा टप्पा पार केलाय.
कोहली आणि सचिन यांच्या व्यतिरिक्त रिकी पाँटिंग, कुमार संगकारा, सनथ जयसूर्या तसंच महेला जयवर्धने या खेळाडूंनी वनडे क्रिकेटमध्ये 12 हजार किंवा त्याहून अधिक रन्स केलेत.
