पारोळा ( प्रतिनिधी ) – सिंधी समाजाचे आराध्य दैवत भगवान झुलेलाल यांची जयंती पारोळा सिंधी पंचायतच्या वतीने उत्साहात साजरी करण्यात आली,
भगवान झुलेलाल यांची जयंती (चेट्री चंड्र) सिंधी दिवस मोठ्या उत्साहात साजरी करण्यात आला, सकाळी भगवान झुलेलाल यांच्या प्रतिमेचे पंचामृत स्नान (अभिषेक) करून कार्यक्रमांची सुरुवात झाली, संपूर्ण मंदिर परिसरात साफसफाई अभियान राबविण्यात आले, युवकांच्या वतीने संपूर्ण मंदिर सुशोभित करण्यात आले, दुपारी भगवान झुलेलाल यांच्या बाहाराणा साहेबचे विधीवत पूजन करण्यात आले , सर्व समाजासाठी भंडाऱ्याचे आयोजन करण्यात आले होते, सायंकाळी भगवान झुलेलाल यांची मिरवणूक काढण्यात आली , आज शहरातील सर्व सिंधी बांधवांनी आपली दुकाने बंद ठेवली होती,
याप्रसंगी नवयुवक मंडळाची कार्यकारिणी गठित करण्यात आली अध्यक्ष म्हणून कमलकुमार लालवाणी तर उपाध्यक्ष म्हणून किशोर नंदवाणी यांची एक मताने निवड करण्यात आली.
