जळगाव ( प्रतिनिधी ) – रस्त्याने पायी जात असतांना मित्रांशी फोनवर बोलतांना मागून दुचाकीवरुन आलेल्यांनी तरुणाचा मोबाईल चोरल्याची घटना शासकीय आयटीआय जवळ घडली. याप्रकरणी मंगळवारी जिल्हापेठ पोलीस स्टेशनला गुन्हा दाखल करण्यात आला आहे.
याबाबत सविस्तर माहिती अशी की, चोपडा तालुक्यातील लासूर येथील विजयकांत कैलास कोळी हा विद्यार्थी केसीई महाविद्यालयात अभियांत्रीकीच्या दुसर्या वर्षाला शिक्षण घेत आहे. त्याने विद्युत कॉलनीत रुम केली असून तो तेथे परमेश्वर पाटील याच्यासोबत राहतो. सोमवारी १७ ऑक्टोबर रोजी रात्री आठ वाजेच्या सुमारास विजयकांत हा आयटीआय कॉलेजरोडवर जेवण्यासाठी जात होता. रस्त्याने पायी जात असतांना त्याला मित्राचा फोन आल्याने तो फोनवर बोलत चालत होता. याचवेळी मागून लाल रंगाच्या दुचाकीवर आलेल्या दुचाकीस्वारांनी या तरुणाचा हातातील मोबाईल हिसकावून ते पसार झाले. याप्रकरणी मंगळवारी १८ ऑक्टोबर रोजी सकाळी जिल्हापेठ पोलीस स्टेशनला तक्रार दिल्यानुसार अज्ञात चोरट्यांविरुद्ध गुन्हा दाखल करण्यात आला आहे. तपास पोलीस उपनिरीक्षक गणेश देशमुख हे करीत आहे.
